Dəyərli gənc tədqiqatçılar!

Sizi “Elm və gənclik” mövzusunda “Bakı və region gənclərinin l elmi konfransı”nda iştirak etməyə dəvət edirik.

 Elm fikirlərin, ideyaların, nəzəriyyələrin disskusiyası və müzakirəsi nəticəsində inkişaf edir, zamanla təkmilləşir. Elmin inkişaf etdirilməsi istiqamətində elmi seminarların, konfransların, simpoziumların keçirilməsi çox vacibdir. Bu zaman həyata keçiriləcək fikir mübadiləsi yeniliklərin yaranmasına səbəb ola bilər. Gənclərin elmi müzakirələrə cəlb edilməsi isə dövlətimizin inkişafına xidmət edəcək yüksək səviyyəli ixtisasçıların sayının artması deməkdir. Respublikamızda keçirilən konfranslar öz mahiyyətinə görə, əsasən magistratura və doktorantura dərəcəsində təhsil alan tələbələr üçün açıq olur. Əksər hallarda bakalavr tələbələri yazdıqları elmi işlə çıxış edəcək konfrans tapmaqda çətinlik çəkir və bu onların elmi işlərə olan motivasiyasının azalması ilə nəticələnir. Məhz bu baxımdan aldığı təhsil dərəcəsindən asılı olmayaraq yaş həddi 17-30 olan gənc elmi tədqiqatçıları konfransımızda iştirak etməyə dəvət edirik. Belə ki, gənc tədqiqatçılar öz elmi nailiyyətlərini tezis ilə müzakirəyə təqdim etmək imkanı əldə edəcəklər.

HAQQINDA

Bakı və region gənclərinin I Elmi Konfransı gənclərin maarifləndirilməsini əsas tutaraq həyata keçirilən layihədir. Elmin, texnologiyanın bu qədər sürətlə inkişaf etdiyi dövrdə araşdırma etmək, tezis müəllifi olaraq konfranslarda iştirak etmək və günümüzdə baş verən elmi araşdırmaların müzakirəsindən xəbərdar olmaq vacib şərtlərdən biridir. Layihənin əsas məqsədi konfrans vasitəsilə gənclərin elmi fəaliyyətə yönləndirilməsini dəstəkləmək və onlar arasındakı tədqiqat şəbəkəsini (research networking) inkişaf etdirməklə elmin inkişafına töhfə verməkdir. Konfrans 6 fakültə (Biologiya, Fizika, Kimya, Mexanika-riyaziyyat, Tətbiqi-riyaziyyat və kibernetika, Sosial elmlər və Psixologiya) olmaqla 5 müxtəlif istiqaməti əhatə etmişdir :
• İnsan və bioloji aləm
• Nəzəri və tətbiqi fizika məsələləri
• Ətraf aləm kimya yanaşması ilə
• Dəqiq riyazi və tətbiqi elmlərin günümüzdə rolu
• Müasir texnoloji vasitələrin insan psixologiyasına təsiri

Təşkilatçı Qurumlar

Qaydalar və Sənədlər

Tezis qaydaları və nümunəsi